Paraje berdingabe baten funtsa eta nortasuna. Ingurunea eta mahatsondoaren ziklo naturalak ahalik eta begirune handienarekin lantzen dituen mahastizaintza. Denboraren iragateari aurre egin dion ehun urtetik gorako mahastiaren funtsik puruena. Konplexutasuna eta indarra. Salas parajearen adierazpen bizia.

Salas partzela Toloño mendilerroaren magalean dago kokatua, Lezako udalerrian. Ehun urte inguruko mahats orpoak dituen mahasti hau lurzoru franko lohitsuetan finkatuta dago. Berezitasun horiek eta orografia menditsuak eragiten duen mikroklima propioa direla eta, Salas partzelak ezohiko ezaugarri oso bereziak ditu lehengaia heltzeko. Mahats orpoetan, tempranillo, garnatxa eta graziano dira nagusi, zenbait barietate zuriko beste landare batzuekin batera, hala nola biura. Nortasun propioa duten mikro partzelak dira, mahasti beraren barruan.

Salas parajeko ehun urtetiko gorako partzelatik datorren mahatsa eskuz biltzen da, heltze ziklo osoan zehar luzatzen den jarraipen xehatu baten ondoren. Mahatsa heltze puntu onenean bildu ahal izateko, bilketa bi fasetan egiten da, horien arteko bi asteko aldearekin. Ondoren, upategian, muztioa grabitate bidez mugitzen da, eta ardogintza modu independentean gauzatzen da, hartzidura espontaneo, erauzketa suabe eta motz eta tenperatura oso kontrolatuen bidez, haritz frantseseko tinatan.