Ardo honen orografia nahaspila klimatikoa da, giro kontinental zein atlantikoaren kutsuak dituena. Tempranillo mahastiak dira batik bat, graziano, garnatxa, barietate zuri eta beste mahats orpo ezezagun batzuk tartean direla. Partzela bakoitzaren adierazpena bere horretan mantentzen da ontze prozesuaren amaierara arte. Amaierako bateratzearekin, Lezako mahastizaintzaren funtsa eta izaera definitzen dira.

Toloño mendilerroa bere eraginpean sortutako paisaiaren lekuko da. Biodibertsitate klonaleko mahasti partzela txikiak, bakoitza bere eguzkiarekiko esposizio eta orientazioarekin, mahatsaren pixkanakako heltzea ahalbidetuz. Orografia menditsuak hesi natural moduan jarduten du, Lezako mahastizaintza eremua eguraldi txarraren aurrean babesteko. Lurzoru franko lohitsuak, kareharri ugarirekin eta materia organikoaren kantitate egokiarekin. Aiurri 2021, Leza udalerriko ardoa da. Zazpi partzelaren bateratzea: Vallejón, Espino, Losares, San Andrés, Guardaviñas eta Viejete, mahasti eta ingurune bakoitzaren onena ateratzeko asmoarekin banaka lantzen direnak.

Aiurri 2021 eskuz bildu zen, mahastian bertan egindako hasierako mordoen hautaketaren ondoren. Aurrerago, upategian, hautaketa bikoitza egin zen: mordoena eta baiena. Partzelatan banatutako ardogintza dela medio, mahasti bakoitza eta bere ingurunea hobe ezagutzen ditugu, eta horrek ezaugarri bereziak ematen dizkio ardoari. Errespetu handienarekin lan egiten dugu, hartzidura espontaneo eta erauzketa suabe eta oso kontrolatuen bidez, haritz frantseseko tina eta hormigoizko tangatan. Aiurri 2021ek hamasei hilabete igaro ditu tamaina desberdineko haritz frantseseko upeletan ontzen. Partzelak bateratu ondoren, ontze prozesua hormigoizko tangatan amaitu da, hiru hilabetez. Babes handiagorako, ardoak sulfitoak daramatza. Azkenik, arrautza zuringo naturalarekin klarifikatu zen eta 2023ko udaberrian botilatu zen.